¶ 3 Præterea. Inter vnam singularem personam & multitudinem  ciuitatis, media est multitudo domestica. Si ergo est iustitia alia particularis per comparationem ad vnam personam præter iustitiam generalem, pari ratione debet esse  alia iustitia œconomica, quæ ordinet hominem ad bonum commune vnius familiæ: quod quidem  non dicitur. Ergo nec aliqua particularis iustitia est præter iustitiam  legalem.