SVMMA ARTICVLI.
  
 VTrum licitè possit aliquis vendere rem   plus quàm valeat? ¶ Prima conclusio. Adhibere fraudem vt aliquid plus iusto    vendatur, est peccatum inquantum aliquis  decipit proximum in damnum ipsius.
  
 Secunda conclusio. Etiam deficiente fraude, vendere cariùs aut emere vilius quam res  valeat, est secundum se iniustum. Ratio est,  quia secundum se in illo contractu committitur inæqualitas.
  
 Tertia conclusio. Per accidens aliquando licet vendere rem cariùs quam valet, scilicet quando venditor damnificatur ex priuatione rei quam vendit.
  
 Quarta conclusio. Iniquum est vendere rem cariùs quàm secundum se valeat, propterea quòd fit valde vtilis ementi. Ratio  est, quia hoc est vendere quod non est proprium sed alienum.