DVbium primum. Vtrum modus vendendi rem possit variare iustum pretium rei eodem loco & tempore? loquimur autem de varietate notabili. Pro cuius intelligentia aduerte, quòd quadruplex  est modus vendendi. Primus est, quando ipsa merces quærit emptorem. Secundus. Quando emptores quærunt merces.  Tertius, quando aliquis vendit simul magnam copiam rerum & non minutatim.  Quartus modus vendendi est per mensuras quasdam minutiores.