Ad tertium argumentum respondetur,    quòd non facilè sunt admittendæ illæ excusationes venditorum: semper enim in re  dubia circa pretium iustum, præsumendum est bonam & iustam esse iudicis taxationem. Nihilominus, si quando constiterit quòd ipsa taxatio est iniqua, licitum erit venditori, vti cautela. Neque enim per  hoc fit iniuria emptoribus: cum detur illis  quod debetur secundum iustitiam.