¶ SED dubitatur, an postquám talis  communicauit in paschate, absoluatur  à præcepto confessionis? Videtur quidem quòd sic, quia non stetit per eum   quin confiteretur: cum non peccauerit,  non confitendo, ergo. Item quia confessio videtur instituta propter eucharistiam, cum ergo iam communicauerit,  videtur quòd illo anno  non teneatur iterum confiteri. Sed dico, quod adhuc tenetur confiteri habita opportunitate, quia  adhuc potest implere præceptum de  confessione semel in anno, ergo.