QVÆRITVR, vtrum  matrimonium contractum   per procuratores sit sacramentum? Respondet  Caietanus quod non. Quia  nullum sacramentum potest confici  per procuratores. Item quia receptio  gratiæ est actus personalis, & non   potest dari vni pro altero: sed in quolibet sacramento nouæ legis confertur  gratia, ergo. Dicimus tamen  quod licet talis contractus  non sit sacramentum, est tamen verum  matrimonium. Et ita factum fuit Genesis  24. per Heliezer seruum  Abraham  & patrem Rebecæ. Dicit Caietanus quòd facilius posset papa dispensare in hoc matrimonio, quám in eo quod est sacramentum contractum, scilicet inter præsentes & per verba de præsenti.