FVrtiuè dicitur quis ordinem recipere, quando ſine ordinatione & ſententia ſuperioris, & ſine examinatione quis ingerit ſe cum multitudine ordinandorum, ignorante ordinatore, & ſic ordines recipit, vt per gloſ. in c. j. in verbo, furtiuè, eiuſdem tit. & per Hoſtiẽ. in ſummas. §. j. & latius per Abb. in rub. eiuſdem tit. Qui autẽ tali modo receperit, ſi erat lata excommunicatio contra illud facientes, non poteſt in ordine ſic ſuſcepto miniſtrare, vel ad ſuperiorẽ aſcendere ſine diſpenſatione papæ. Si tamen excommunicatio lata non erat, Epiſcopus & Abbas poterunt diſpenſare: vt patet in cap. j. cum duobus ſequẽtibus eiuſdem titu. de quo per Angel. in ſumma, in verbo, irregularitas. in §. xxiij. & per Sylueſt. in ſumma, in eodem verbo, in §. Tertiò quæritur. Item nota quòd dicitur quis furtiuè ordinem recipere, quando recipit quatuor minores ordines & ſubdiaconatum in vna eadem die, vel quando recipit duos ordines ſacros ſimul, vt probatur in c. ij. & fin. de eo qui ordi. furti. ſuſcepit, & notat Hoſtien. in d. §. j.