Sacerdos cùm ad ſolennia miſſarum accedit, non aliter accedere debet, quàm orario vtroq; humero circunſeptus, ſicut tempore ordinationis ſuæ dignoſcitur conſecratus, ita vt de vno eodèmq; orario ceruicem pariter & vtrunq; humerum premens, ſignũ in ſuo appareat pectore crucis. ita diſponit concilium Bracarenſe {tertium, in Can. iij.} quod tranſſcriptum eſt in c. Eccleſiaſtica. xxiij. diſtinct. Si quis autem aliter egerit, excommunicationi debitæ ſubiacebit: vt ibi, de quo text. meminit Durand. in Rationali diuinorum officiorum. c. de ſtola, vbi dicit ꝙ fortè quis diceret illud decretum effe abrogatum per contrariam generalis Eccleſiæ conſuetudinem: nam nõ vbiq; partes ſtolę reducuntur ante pectus in modũ crucis. In his tamẽ regnis conſuetudo ſeruat decretũ illius concilij: & licet ille tex. ſolùm de orario ſiue de ſtola diſponat. Si clericus ſine caſula, aut aliis veſtibus ſacris celebraret, nihilominus puniendum credo ſuperioris arbitrio. Et aduerte ꝙ dum text. in d. cap. Eccleſiaſtica. dicit quòd clericus propter hoc excommunicationi ſubiaceat, exponit ibi Archidia. dupliciter, Primò ſi admonitus non vult ceſſare. Secundò excommunicationi, id eſt ſuſpenſioni ad tempus pro arbitrio iudicis, cùm ibi non determinetur tempus: & hanc ſecundam expoſitionem credo veriorem.