POena huius exceſſus ponitur in cap. Si per negligentiam. de conſe. diſtinct. ij. per hæc verba, Si per negligentiam aliquid de ſanguine ſtillauerit in terram, lingua lambatur, tabula radetur, ſi non fuerit tabula, vt non conculcetur, locus, conradetur, & igne conſumetur, & cinis intra altare condatur, & ſacerdos xl. diebus pœniteat, ſi ſuper altare ſtillauerit calix, ſorbeat miniſter ſtillam, & tribus diebus pœniteat. Si ſuper lintheũ altaris & ad aliud ſtilla peruenerit, iiij. diebus pœniteat, ſi vſque ad tertium, ix. diebus, ſi vſque ad quartum, xx. diebus pœniteat: & lintheamina quæ tetigerit ſtilla tribus vicibus miniſter abluat calice ſuppoſito, & aqua abſolutionis ſumatur, & iuxta altare recondatur. Quæ pœna cùm ſit canonis antiqui, & que magis videtur pœnitẽtiæ foro, quàm iudiciali prouidere, ſi caſus occurrerit, & in iudicium deducatur, tunc iudex attenta facti qualitate & aſtantis populi noticia vel ſcandalo, & ſacerdotis culpa vel negligentia pœna moderabitur vel augebitur, prout æquius ſibi viſum fuerit.